Foreldrarnir fengu ríkisborgararétt

Viktor og Amalija Knavs á síðasta ári.
Viktor og Amalija Knavs á síðasta ári. AFP

Foreldrar bandarísku forsetafrúarinnar Melaniu Trump, sem eru slóvenskir, urðu bandarískir ríkisborgarar í dag.

Viktor og Amalija Knavs sóru eið þess efnis við athöfn í New York.

Lögmaður hjónanna, Michael Wildes, staðfesti þetta við AFP-fréttastofuna. Hann gat ekkert sagt til um hversu lengi þau þurftu að bíða eftir ríkisborgararéttinum eða hvort forsetafrúin veitti þeim aðstoð þess efnis.

Donald Trump Bandaríkjaforseti hefur tekið fast á innflytjendamálum síðan hann tók við embætti og hefur gagnrýnt lög um innflytjendur sem leyfa bandarískum ríkisborgurum að hjálpa nánum ættingum sem vilja sækja um ríkisborgararétt til frambúðar.

Forsetinn hefur sagt að slíkt kerfi steli störfum frá Bandaríkjamönnum og ógni þjóðaröryggi.

mbl.is
ALVÖRU KERRUR FYRIR ATHAFNAFÓLK
Vorum að fá sendingu m.a. af 2 tonna og 2,6 tonna kerrum, tveggja öxla, möguleik...
Bækur til sölu
Bækur til sölu Adventures of Huckleberry Finn 1884, 1. útg., Fornmannasögur 1-12...
Ný jólaskeið frá ERNU fyrir 2018 komin.
Kíkið á nýju skeiðina á -erna.is-. Hún er hönnuð af Raghildi Sif Reynisdóttur og...