Fær ekki stuðning Verkamannaflokksins

AFP

Breski Verkamannaflokkurinn hyggst ekki styðja tillögu Theresu May, forsætisráðherra Bretlands, að samningi um útgöngu landsins úr Evrópusambandinu sem kennd hefur verið við sveitasetur ráðherrans, Chequers, né nokkurn samning byggðan á henni.

Þetta hefur Emily Thornberry, þingmaður Verkamannaflokksins og skuggaráðherra flokksins í utanríkismálum, staðfest samkvæmt frétt breska dagblaðsins Daily Telegraph. Thornberry sagði tillögu forsætisráðherrans og leiðtoga Íhaldsflokksins „vitleysu“.

Tillaga May hefur mætt mikilli andstöðu innan Íhaldsflokksins og tugir þingmanna flokksins lýst sig andsnúna henni. Fyrir vikið hefur þótt ljóst að til þess að koma tillögunni í gegnum breska þingið myndi forsætisráðherrann þurfa stuðning Verkamannaflokksins.

Thornberry sagði ennfremur að Verkamannaflokkurinn myndi heldur ekki styðja það að Bretland segði skilið við Evrópusambandið án þess að samið væri um það við sambandið með sérstökum útgöngu- og viðskiptasamningi.

mbl.is
Höfuðverkur, endalaus þreyta, svefnleysi
Er með til leigu OZONE lofthreinsitæki ( margir kalla þetta JÓNAR tæki ). Eyði...
- Studio íbúð til leigu.
Til leigu í Biskupstungum fyrir 1-2, bað/sturta og eldhús, gasgrill. leigist ...
Bókaveisla
Bókaveizla Hjá Þorvaldi í Kólaportinu 30% afsláttur af bókum í janúar Opið lauga...
Húsaviðgerðir
https://www.husco.is/...