Mótmæltu á ný í miðborg Parísar
Setja bókamerki
Gulvestungar, hópur mótmælenda í Frakklandi, héldu í dag áfram mótmælum sínum og nokkur hundruð þeirra söfnuðust saman í miðborg Parísar, áttunda laugardaginn í röð. Kvarnast hefur úr hópi mótmælenda frá því mótmælin hófust og talsmaður ríkisstjórnar Frakklands sagði í dag að þeir sem eftir stæðu væru aðeins þeir allra rótækustu.
Í öðrum borgum stóð einnig til að mótmæli héldu áfram í dag, en nýjustu skoðanakannanir benda til þess að 55% almennings styðji gulvestunga. Handtaka Eric Drouet, eins talsmanna mótmælendanna vakti reiði meðal stuðningsmanna hans, en honum var haldið í 10 klukkustundir.
Kveikjan að mótmælunum var í upphafi ákvörðun stjórnvalda um hækkun eldsneytisskatta. Síðar beindist reiði mótmælenda almennt að stjórnarháttum Emmanuel Macron, Frakklandsforseta, og markaðsstefnu hans.
Neitaði hann í upphafi að fara að óskum mótmælenda, en um miðjan desember var hætt við áform um fyrrgreinda skattahækkun og lofaði Macron skattalækkunum til hagsbóta fyrir ellilífeyrisþega og fjárhagslegum stuðningi við þá sem lægstu launin hefðu í Frakklandi.
Vangaveltur gengu lengra en innistæða var fyrir
Of margir nemendur og ákall um hæft starfsfólk
Gerðu umfangsmiklar loftárásir á Líbanon
Lögreglan leitar eftir myndefni í tengslum við andlátið
Glæpastarfsemi orðin mun skipulagðari
Birtu ekki dóm yfir fyrrverandi forseta bæjarstjórnar
Maðurinn sem leitað var að fannst látinn