Sex létust í sprengingu í Kína

Að minnsta kosti sex létust og um 30 manns slösuðust alvarlega eftir sprengingu í efnaverksmiðju í Yancheng í austurhluta Kína í dag. Megn reykur steig upp úr húsinu og eldur logar enn í byggingunni. 

Slíkur var krafturinn í sprengingunni að nærliggjandi íbúðarhús skemmdust. Sprengingin kom fram á jarðskjálftamælum og mældist 2,2 stig.   

Gluggar sprungu í nærliggjandi húsum þar með talið í skólabyggingu. Íbúum hefur verið gert að yfirgefa heimili sín. Björgunarstarf er erfitt og beinist að því að bjarga fólki úr verksmiðjunni.  

Að minnsta kosti sex létust. AFP

• Blogga um frétt