Forstjóri taívanska raftækjarisans Foxconn, Terry Gou, lýsti því yfir í morgun að hann ætli að sækjast eftir því að verða næsti forseti Taívans.
Fram kemur í frétt AFP að Gou ætli að taka þátt í prófkjöri stjórnmálaflokksins Kuomintang vegna forsetakosningunum í Taívan á næsta ári.
„Ég er reiðubúinn að taka þátt í prófkjöri flokksins. Ef ég sigra mun ég verða frambjóðandi Kuomintang í kosningunum 2020,“ sagði Guo við fjölmiðla.
Gou tilkynnti fyrr í vikunni að hann ætlaði að láta af störfum hjá Foxconn. Sagði hann í morgun að ef hann myndi ekki sigra myndi hann styðja frambjóðanda flokksins.