„Við erum öll í sóttkví núna“

Það verður tómlegt um að litast við Baunina í Chicago …
Það verður tómlegt um að litast við Baunina í Chicago á næstunni. AFP

Íbúum í Connecticut, Illinois, Nevada, New Jersey, New York og Pennsylvaníu er nú, líkt og íbúum Kaliforníu, gert að halda sig heima nema í ýtrustu neyð. Tilskipun um heimasóttkví hefur verið gefin út í ríkjunum.

Tilskipanirnar tóku ýmist gildi í dag eða gera það á morgun en alls verða um 100 milljónir manna í heimasóttkví.

Á það meðal annars við um þrjár fjölmennustu borgirnar vestanhafs; Chicago, New York og Los Angeles.

Heilbrigðisstarfsfólk í New York.
Heilbrigðisstarfsfólk í New York. AFP

„Við erum öll í sóttkví núna,“ sagði Andrew Cuomo, ríkisstjóri í New York. Þar taka hertar reglur gildi annað kvöld og verður fólk sektað ef það fer ekki að fyrirmælum. Á það við um lokun allra fyrirtækja sem sinna ekki lífsnauðsynlegum hlutverkum eins og matvæla- og lyfjasölu.

Staðfest dauðsföll af völdum kórónuveirunnar eru 249 í Bandaríkjunum og smit rúmlega 19 þúsund.

Donald Trump Bandaríkjaforseti ræddi við fréttamenn í gærkvöldi.
Donald Trump Bandaríkjaforseti ræddi við fréttamenn í gærkvöldi. AFP

Donald Trump Bandaríkjaforseti fullyrti í gærkvöldi að ekki væri þörf á útgöngubanni í öllu landinu. Hann sagði að ástandið væri mun betra í öðrum landshlutum og að Bandaríkin væru að vinna stríðið við veiruna.

mbl.is

Kórónuveiran

30. mars 2020 kl. 14:16
1086
hafa
smitast
157
hafa
náð sér
30
liggja á
spítala
2
eru
látnir