Sex starfsmenn kosningateymis Donalds Trump Bandaríkjaforseta í Tulsa hafa greinst með COVID-19. Fjölmennur kosningafundur forsetans fer fram í borginni í kvöld.
Hópur fólks hafði höfðað málsókn á hendur kosningateymi forsetans til að koma í veg fyrir að fundurinn yrði haldinn, á þeim forsendum að hann gæti orðið til þess að auka útbreiðslu kórónuveirunnar í borginni, sem er sú næst fjölmennasta í Oklahoma-ríki. Hæstiréttur Oklahoma-ríkis úrskurðaði í gær að Trump væri heimilt að halda fundinn.
Starfsfólk teymisins skipta hundruðum og fóru allir í sýnatöku í varúðarskyni fyrir fundinn. Tim Murtaugh, upplýsingafulltrúi kosningateymisins, segir að búið sé að grípa til viðeigandi rástafana, meðal annars hvað varðar sóttkví. Smituðu starfsmennirnir munu ekki koma nálægt fundinum síðar í dag né þeir sem átt hafa í nánum samskiptum við þá. Kosningafundurinn mun fara fram í kvöld og munu 19 þúsund manns sækja hann.