Vara Bretland við afskiptum
Setja bókamerki
Sendiherra Kína í Bretlandi hefur varað Breta við því að hafa afskipti af gangi mála í Hong Kong í kjölfar nýrra öryggislaga.
Liu Xiaoming, sendiherra Kína, segir ákvörðun breskra stjórnvalda um að bjóða allt að þremur milljónum íbúa Hong Kong landvistarleyfi í Bretlandi vera „ruddaleg afskipti“.
Nýju öryggislögin kveða á um bann við uppreisnaráróðri, landráðum og sjálfstæðisumleitunum sjálfstjórnarhéraðsins, auk þess sem málfrelsi og réttur til að mótmæla eru verulega skert með lögunum.
Fram kemur á BBC að Liu sendiherra vonast til þess að bresk stjórnvöld endurskoði boð sitt um landvistarleyfi. „Breska ríkisstjórnin heldur áfram að setja fram óábyrg ummæli um málefni Hong Kong,“ segir Liu.
Talsmaður Boris Johnsons, forsætisráðherra Bretlands, hvatti kínversk stjórnvöld til að skipta sér ekki af íbúum Hong Kong með breskt vegabréf. Hann segist búast við því að Kínverjar skilji mikilvægi þess að fylgja alþjóðalögum og að verið sé að meta stöðu íbúa Hong Kong með breskt ríkisfang.
Gerðu umfangsmiklar loftárásir á Líbanon
Tveir í haldi grunaðir um mansal og smygl á fólki
Grænlendingar vildu ekki fá björninn til baka
Vangaveltur gengu lengra en innistæða var fyrir
Lögreglan leitar eftir myndefni í tengslum við andlátið
740 milljón króna sígarettusmygl
Hætta vegna jarðfalls í sprungur metin töluverð
Of margir nemendur og ákall um hæft starfsfólk