Háskólarnir Harvard og MIT hafa kært ríkisstjórn Donalds Trump og beðið dómstóla um að stöðva ákvörðun bandarískra stjórnvalda um að fella úr gildi land­vist­ar­leyfi er­lendra stúd­enta sem stunda þar nám ef all­ir áfang­ar sem þeir eru skráðir í verða kennd­ir í fjar­námi vegna kórónu­veirufar­ald­urs­ins.

Kæran kemur í kjölfar yf­ir­lýs­ingar frá stofn­un­inni ICE sem fer með mál inn­flytj­enda í Bandaríkjunum (US Immigrati­on and Cu­stoms En­forcement), en mbl.is hefur fjallað um málið á síðustu dögum. Ákvörðunin kemur til með að hafa áhrif á fjölda erlendra námsmanna sem leggja stund á nám í Bandaríkjunum.

Frétt af mbl.is

Fella landvistarleyfi stúdenta úr gildi

Frétt af mbl.is

Skiptinám í lausu lofti

Frétt af mbl.is

Stjórnvöld áhyggjufull vegna landvistarleyfa

Íslensk stjórnvöld hafa lýst yfir áhyggjum yfir þessari ákvörðun, bæði í sam­tali við sendi­herra Banda­ríkj­anna á Íslandi og í sam­skipt­um sendi­ráðs Íslands í Washingt­on við banda­rísk stjórn­völd.

Í kæru Harvard og MIT segir að niðurfelling landvistarleyfa myndi valda erlendum nemendum miklum skaða, bæði fjárhagslegum og persónulegum. Þá er ákvörðun stjórnvalda sögð handahófskennd og ólögleg.

 Ákvörðunin verði dæmt ólögleg

Í tilkynningu frá forseta Harvard-háskóla kemur fram að skólinn muni leggja áherslu á að erlendir nemendur í Harvard, sem og öðrum skólum þar í landi, geti haldið áfram námi sínu án þess að óttast að vera vísað úr landi.

Ríkisstjórn Trump stefnir á að opna skóla og háskóla við byrjun haustannar í september, þótt smitum hafi fjölgað víða í Bandaríkjunum. Er afturköllun á landvistarleyfum stúdenta talin vera ætluð til að setja þrýsting á menntastofnanir svo þær fari varlega þegar skólar opna í haust.

Í kærunni er lögð fram sú krafa um að ákvörðun stjórnvalda verði stöðvuð og dæmd ólögleg.

Krafist er að ákvörðunin verði stöðvuð og dæmd ólögleg AFP

Haustönnin óskrifað blað

Flest­ir fram­halds- og há­skól­ar í Banda­ríkj­un­um eiga enn eft­ir að gefa það út hvernig námi verður háttað þegar haustönn hefst. Sumir skólar hafa ákveðið að kennt verði með svokölluðu blönduðu kerfi, þar sem hluti námsins fer fram í fjarnámi og hinn hlutinn í staðnámi.

Í slíkum tilfellum þurfa skólar að sýna fram á að erlendir nemendur séu að taka eins marga tíma og mögulega hægt er í staðnámi, svo nemendurnir haldi landvistarleyfi sínu, er kemur fram í yfirlýsingu ICE.

Þó er talið líklegt að margir háskólar muni bjóða upp á fjarkennslu á haustönn vegna kórónuveirufaraldursins. Í gær, miðvikudag, greindust rúmlega sextíu þúsund manns með veiruna, og talið er að um 131 þúsund manns hafi látist af völdum hennar.

Tengdar fréttir

Kórónuveiran Covid-19

Rétti barni sínu frekar sígarettur en iPad

• Eitt bóluefni verður í boði gegn covid-19 í vetur
• Varar við fleiri tilfellum í vetur
• Bóluefni hafi fækkað dauðsföllum
• Engin ein skýring á niðursveiflu

» Fleiri tengdar fréttir

• Blogga um frétt