Vatn flæðir nú um götur borgarinnar Catania á Sikiley á Ítalíu í kjölfar mikils stormviðris og úrhellisrigningar síðustu daga. Flóðin, sem hafa fært götur borgarinnar á kaf, hafa orðið að minnsta kosti tveimur að bana. Þriðju manneskjunnar hefur verið saknað síðan á sunnudag og er enn leitað. BBC greinir frá.
Veðurfræðingar vilja meina að sjaldgæfur Miðjarðarhafs fellibylur, þekktur sem Medicane, hafi gengið yfir suðurhluta Ítalíu og valdið þessum veðurusla.
Almannavarnir á Ítalíu hafa lýst yfir hæsta stigi viðvörunar vegna veðurofsans og flóðanna fyrir stóran hluta af Sikiley og Calabaria. Fram kemur að veðrið geti valdið bæði mann- og eignatjóni.
Vísindamenn benda í þessu samhengi á að loftslagsbreytingar af mannavöldum valdi tíðari og ofsafegnari veðurfyrirbrigðum.
Vatnselginn á götum Catania má sjá hér fyrir neðan:
In #Sicilia it has been raining for 3 days without stopping. This is the situation in #Catania, now. My thoughts are there. Come on wonderful people ❤ pic.twitter.com/k7955Hz9SR
— Alex Milone (@AlexMilone) October 26, 2021
🔴LIVE da #Catania ⚠️#26ottobre #alluvionecatania pic.twitter.com/m68eWbZnkJ
— 3B Meteo (@3BMeteo) October 26, 2021