Joe Biden Bandaríkjaforseti er á meðal þeirra sem hafa minnst repúblikanans Bobs Doles með hlýhug en hann er látinn 98 ára gamall.
Biden sagði Dole hafa verið „kæran vin“ og „bandarískan embættismann sem átti fáa sína líka í sögu okkar“, að því er BBC greindi frá.
Hann sagði Dole jafnframt hafa verið heiðarlegan og með gott skopskyn.
Bob Dole was a man to be admired by Americans. He had an unerring sense of integrity and honor. May God bless him, and may our nation draw upon his legacy of decency, dignity, good humor, and patriotism for all time.
— President Biden (@POTUS) December 5, 2021
Dole var lengi öldungadeildarþingmaður fyrir Kansasríki. Hann bauð sig fram í forsetakosningunum árið 1996 þar sem hann tapaði fyrir demókratanum Bill Clinton.
Dole barðist í síðari heimsstyrjöldinni og var nálægt því að deyja á vígvellinum.