Í dögun áttunda dags af innrás Rússlandshers inn í Úkraínu er eftirfarandi helst:

• Eins og greint var frá í gær á mbl.is hafa rússneskar hersveitir náð Kerson á sitt vald. Um er að ræða fyrstu stórborgina í Úkraínu sem Rússum hefur tekist að leggja undir sig. 
• Sprengjuregnið í Kænugarði hélt áfram í nótt og á miðlum í Úkraínu má greina að þungi þess hafi jafnvel aukist í nótt. Blaðamaður CBS sem er staddur í Kænugarði segist á Twitter hafa séð stærsta blossa eftir sprengingu hingað til í nótt sem lýsti upp himininn allan.

• Samkvæmt gögnum bandarískra stjórnvalda hefur rússneska skriðdreka- og bílalestin mikla sem stödd er nokkrum kílómetrum utan við Kænugarð tafist verulega vegna eldsneytis- og og vistarskorts. 
• Yfir milljón manns í Úkraínu hafa lagt á flótta frá stríðinu samkvæmt tölum frá Sameinuðu þjóðunum og þeim fjölgar hratt dag frá degi.

Frétt af mbl.is

Úkraínumenn leita skjóls fjarri Rússlandi

• Óttast er að mikill fjöldi manns hafi fallið í Maríupol síðastliðinn sólarhring sem hefur verið undir stöðugum skotárásum. Fullyrt er að borgin sé enn í höndum Úkraínumanna.

Frétt af mbl.is

Hafi skotið á Mariupol í 14 klukkustundir samfleytt

• Fregnir berast einnig af miklum þunga skotárása í Karkív, næststærstu borg Úkraínu.

Tengdar fréttir

Úkraína

Tveir drepnir í drónaárás Úkraínuhers

• Þakklátur Kínverjum fyrir friðarumleitanir
• Rússar náð 278 ferkílómetra svæði á einni viku
• Aflýsir öllum ferðum og sendir liðsauka
• Úkraínumenn drógu hersveitir til baka

» Fleiri tengdar fréttir

• Blogga um frétt