Ríkissaksóknari í Bretlandi hefur heimilað lögreglu að leggja fram ákæru á hendur Harvey Weinstein fyrir að hafa veist að konu í tvígang Lundúnum árið 1996. Þetta segir í tilkynningu á vef breska ríkissaksóknarans.
Er Weinstein ákærður fyrir „ósmekklega árás“, sem flokkast sem kynferðisbrot.
Þegar fyrstu ásakanirnar á hendur Weinstein voru gerðar opinberar árið 2017 kom í ljós að fleiri mál voru til skoðunar, meðal annars í Lundúnum.
Weinstein var sakfelldur fyrir kynferðisbrot í New York í febrúar 2020. Beiðni hans um áfrýjun var hafnað á síðasta ári. Mál gegn honum er enn til meðferðar í Los Angeles.