Taka beri kjarnorkuhótunum Pútíns alvarlega

Frá Rauða torginu í Moskvu, höfuðborg Rússlands.
Frá Rauða torginu í Moskvu, höfuðborg Rússlands. AFP

Yfirlýsing Vladimírs Pútíns Rússlandsforseta er stigmögnum sem vert er að hafa áhyggjur af. Svo er haft eftir Gillian Keegan, aðstoðarutanríkisráðherra Bretlands á BBC. 

Keegan sagði óhugnanlegt að hlusta á Pútín tala um ógn Vesturveldanna og nefna kjarnorkuvopn í því samhengi. 

Gillian Keegan, aðstoðarutanríkisráðherra Bretlands.
Gillian Keegan, aðstoðarutanríkisráðherra Bretlands. Ljósmynd/Breska utanríkisráðuneytið

„Þetta er alvarleg hótun, en þessu hefur verið hótað áður,“ er haft eftir henni á BBC. 

Hún bætti við að þó eigi að taka orðum Pútíns alvarlega og hvatti fólk til að halda ró sinni þrátt fyrir tal um notkun á kjarnorkuvopnum. 

mbl.is