Nýliðið vor á Spáni var það heitasta síðan mælingar hófust. Meðalhitastigið var næstum tveimur stigum hærra en venjulega, að sögn spænsku veðurstofunnar.

„Vorið 2023 var heitasta vorið á Spáni frá því mælingar hófust,” sagði veðurstofan og átti þar við þriggja mánaða tímabil sem hófst í mars.

Þurrkatíð hefur verið undanfarið á Spáni sem hefur haft sín áhrif á landbúnaðinn.

Fólk á hestvagni reynir að verjast sólinni í Sevilla í lok apríl. AFP/Cristina Quicler

Meðalhitastigið var 14,2 stig, sem var 1,8 stigum hærra en venjan er.

Að sögn veðurstofunnar er það „virkilega heitt og 0,3 stigum heitara en árið 1997 sem var heitasta vorið til þessa”.

Seint í apríl gekk mikil hitabylgja yfir Spán og fór hitinn í 38,8 stig í suðurhluta landsins.

Tengdar fréttir

Loftslagsvá

Greenpeace gagnrýna Norðmenn

• 97 aðgerðir hafa neikvæð áhrif
• Plánetan nötraði í níu daga
• Ekki hlýrra í september í 77 ár
• Ágúst aldrei verið heitari á Spáni

» Fleiri tengdar fréttir

• Blogga um frétt