„Við dreifðum þessu núna á milli lauganna. Við pössuðum okkur á því að þær væru opnar mismunandi daga. Laugardalslaugin var reyndar opin alla páskana en við dreifðum þessu aðeins á milli hinna,“ segir Eiríkur Björn í samtali við Morgunblaðið.

„Þetta er hluti af hagræðingaraðgerðum borgarráðs sem voru samþykktar um áramótin. Um páskana er misjöfn notkun á laugunum og því getum við alveg dreift álaginu. Við pössum að reyna að hafa alltaf eina laug opna í vesturhluta borgarinnar, eina í austurhlutanum og svo auðvitað Laugardalslaugina. Þetta eru dýrir dagar fyrir okkur því þetta eru rauðir dagar,“ segir Eiríkur. „Þetta er hluti af mörgum aðgerðum hjá okkur og öllum öðrum sviðum borgarinnar á árinu til þess að hagræða aðeins í rekstrinum hjá okkur.“

Eiríkur segir þessa þjónustuskerðingu við borgarbúa ekki endilega vera til framtíðar. Þetta sé hluti af hagræðingaraðgerðum þessa árs og á næsta ári verði afgreiðslutími sundlauganna skoðaður með nýrri fjárhagsáætlun borgarinnar.

Hægt er að nálgast umfjöllunina í heild sinni í Morgunblaðinu í dag.

Tengdar fréttir

Fjárhagsörðugleikar Reykjavíkurborgar

Skuldahalinn lengist í Reykjavík

• Dagur: „Framsetningin einhliða og ýkjukennd“
• Sagði ekkert tortryggilegt við samningana
• Samstaða um að auka ekki álögur
• Olíufélögin fái milljarða í afslátt frá borginni

» Fleiri tengdar fréttir