Flugvélin sem hefur verið leitað síðan klukkan 18.00 í dag er nú fundin. Hún fannst rétt fyrir klukkan 20.00.

Þetta kemur fram í tilkynningu frá Slysavarnafélaginu Landsbjörg en ekki kemur fram hvort einhvern sakaði.

Frétt af mbl.is

Leita flugvélar á Austurlandi

„Það var flugvél Icelandair á leið til Egilsstaða sem kom auga á það sem gæti hafa verið vélin, og ferðaþjónustuþyrla staðfesti svo fundinn og fundarstað. Þyrla Landhelgisgæslunnar kom á staðinn skömmu síðar ásamt björgunarfólki,“ segir í tilkynningunni.

Öllum viðbragðsaðilum hefur nú verið snúið við. Um borð í flugvélinni voru, ásamt flugmanni, tveir farþegar. „Á þessari stundu er ekki hægt að upplýsa um afdrif þeirra.“ 

Jón Þór Víglundsson, upplýsingafulltrúi Slysavarnafélagsins Landsbjargar, segir í samtali við mbl.is að hann geti ekki að svo stöddu staðfest neitt um afdrif farþega fluvélarinnar. Hann segir þó að leit sé lokið og að viðbragðsaðilar séu á vettvangi.

Fréttin verður uppfærð.

Tengdar fréttir

Flugslys í Sauðahlíðum

Flak vélarinnar í frumrannsókn

• Minntust þeirra sem létust í flugslysinu
• Nöfn þeirra sem létust í flugslysinu
• Vettvangsrannsókn lokið
• Þyrla og tvær flugvélar aðstoðuðu við leitina

» Fleiri tengdar fréttir

• Blogga um frétt