„Eðlisbreyting eftir helgina“
Setja bókamerki
Þórdís Kolbrún R. Gylfadóttir, fjármála- og efnahagsráðherra, segir skilaboð Grindvíkinga til stjórnvalda skýr en að ekki sé hægt að taka ákvörðun upp á 120 milljarða eins og er.
„Við getum ekki heyrt mikið skýrar hvernig ykkur líður og eftir hverju þið eruð að kalla,“ sagði Þórdís í kjölfar spurninga frá Grindvíkingum á íbúafundi nú í kvöld, þar sem þeirri spurningu var meðal annars varpað fram hvort ríkið myndi kaupa Grindvíkinga út úr húsnæði sínu.
„Degi síðar rennur svo gos inn í bæinn“
Þórdís sagði eðlisbreytingu hafa átt sér stað eftir helgina þegar hraun rann inn í Grindavíkurbæ.
„Þá er ég ekki að gera lítið úr því sem gerðist á undan, en það var eðlisbreyting,“ sagði hún.
Hún nefndi að síðastliðinn laugardag hefði verið metið sem svo að meiri hætta stafaði jarðsigi í Grindavík heldur en að hraun rynni inn í bæinn og því ákveðið að rýma.
„Degi síðar rennur svo gos inn í bæinn.“
Um 120 milljarðar undir
Þórdís benti þá á að vátryggingarvirði íbúða í Grindavík væri um 109 milljarðar og brunatryggt innbú væru 13 milljarðar aukalega. Þá væru þetta í heildina um 120 milljarðar.
Þá sagðist hún skilja óþægindin sem fylgja óvissunni vel og að þau sem ættu alveg skemmd hús hefðu að minnsta kosti getað eytt óvissunni út.
„Það var fólkið sem gat á endanum eytt óvissunni og sagt: Ókei, ég fer þá eitthvert annað,“ sagði Þórdís og bætti við: „Sumt fólk. Mér myndi líða alveg nákvæmlega eins.“
Hún sagði þá að hún gæti ekki sagt núna hvernig þau gætu farið með 120 milljarða strax á þessari stundu, enda ekki hægt að segja til um hvaða áhrif það hefði á efnahagslífið.
Ráðherra uppskar ekki lófatak er hún lauk máli sínu, ólíkt öðrum sem tekið hafa til máls á fundinum.
Alþjóðlegi sakamáladómstóllinn vill handtaka Netanjahú
Krabbameinsfélagið undirbýr mikilvæga rannsókn
Kjörseðlar kláruðust: Aðsókn meiri en áætlað var
Rússnesk fingraför sjást víðar
Mun aðeins sýna þjóðinni hollustu
Ísland virðir ákvörðun Alþjóðlega sakamáladómstólsins