Forsetafrú Bandaríkjanna, Melania Trump, kom heim í Hvíta húsið úr tveggja vikna sumarfríi með eiginmanni sínum Donald Trump og syni þeirra Barron Trump á sunnudaginn. Að vanda var frú Trump fín í tauinu en hvítur stuttermabolur sem hún klæddist hefur þó vakið athygli. 

Melania Trump var í fallegu grænu pilsi og háum hælum með blómamynstri frá Christian Louboutin. Hvíti bolurinn kom á óvart enda er frú Trump vön að klæðast aðsniðnum hönnunarflíkum hvert sem hún fer. Hvíti sniðlausi bolurinn stingur því í stúf þegar litið er yfir fatastíl Melaniu og vill meðal annars blaðamaður Yahoo Lifestyle meina að Melania hafi aldrei áður sést í hvítum stuttermabol sem forsetafrú. 

Einhver gæti mögulega haldið að bolurinn væri frá eiginmanni hennar, sjálfum forseta Bandaríkjanna. Hver kannast annars ekki við að stela fötum frá ferðafélaganum þegar löngu ferðalagi er að ljúka og öll fötin orðin skítug?

Þrátt fyrir að margar konur steli fötum frá mönnum sínum, bræðrum og feðrum er líklegt að hvíti bolurinn sem Melania var í hafi verið frá fínu merki. Uppábrotið á ermunum gefur að minnsta kosti til kynna að bolurinn hafi verið eitthvað meira en bara bolur sem ætlaður er undir skyrtur.

Stíll Melaniu var afslappaður. mbl.is/AFP

Hér sést uppábrotið á bolnum. mbl.is/AFP

Tengdar fréttir

Melania Trump

Eru ólík og verja litlum tíma saman

• Langar ekki aftur til Washington
• Jill Biden skaut á Melaniu með fatavalinu
• Melania fer í heilsulind tvisvar á dag
• Kvaddi gamla lífið í 500.000 króna kjól

» Fleiri tengdar fréttir

Fatastíllinn

Hver var í ósamstæðum sokkum á Alþingi?

• Þetta vilja töffarar landsins fá í sumargjöf
• Milla Ósk og Pattra klæddust eins kjólum
• 10 hugmyndir að sumargjöfum frá þér til þín
• Laufey stórglæsileg á síðum Vogue

» Fleiri tengdar fréttir

• Blogga um frétt