Katrín hertogaynja var sumarleg í rauðum kjól þegar þau Vilhjálmur Bretaprins heimsóttu austurhluta Lundúna í vikunni. Glöggir aðdáendur hertogaynjunnar tóku eftir því að hertogaynjan klæddist gömlum kjól.
Rauði kjóllinn með blómamynstrinu er frá merkinu Beulah London en Katrín sást fyrst í kjólnum í maí. Þá kom hún fram stafrænt og sást kjóllinn því ekki allur. Kjóllinn kostar 550 pund eða um 96 þúsund íslenskar krónur en gera má ráð fyrir að hann seljist hratt upp eins og flestallt sem Katrín klæðist.
Merkið er í uppáhaldi hjá fleirum en Katrínu en það vakti athygli í sumar þegar Katrín og Camilla tengdamóðir hennar klæddust báðar kjólum frá breska hönnuðinum. Kjólarnir voru svipaðir í sniðinu og kjóllinn sem Katrín klæddist í vikunni en í dekkri litum.