Íslenska U17 ára landslið pilta gerði í dag 1:1-jafntefli gegn Bosníu í öðrum leik sínum í 2. riðli í undankeppni EM. Riðillinn er einmitt spilaður í Bosníu og er íslenska liðið nú með tvö stig eftir tvo leiki.
Bosnía missti mann af velli með beint rautt spjald á 42. mínútu en þrátt fyrir það kom Faruk Durakovic heimamönnum yfir tveimur mínútum síðar og reyndist það eina mark fyrri hálfleiks.
Staðan var 1:0, Bosníu í vil þangað til á 68. mínútu er Skagamaðurinn Ísak Bergmann Jóhannesson jafnaði úr vítaspyrnu. Þrátt fyrir liðsmuninn náði íslenska liðið ekki að bæta við marki.
Ísland er í þriðja sæti riðilsins með tvö stig, tveimur minna en Úkraína og Bosnía. Ísland verður að vinna Gíbraltar í síðasta leik riðilsins á þriðjudaginn kemur til að eiga möguleika á að fara áfram í milliriðil.
Byrjunarlið Íslands í dag:
Ólafur Kristófer Helgason
Baldur Hannes Stefánsson
Róbert Orri Þorkelsson
Oliver Stefánsson
Vilhjálmur Yngvi Hjálmarsson
Valgeir Valgeirsson
Davíð Snær Jóhannsson
Baldur Logi Guðlaugsson
Mikael Egill Ellertsson
Andri Fannar Baldursson
Orri Hrafn Kjartansson