Íslenska kvennalandsliðið í knattspyrnu mun hefja undankeppni EM 2021 á tveimur leikjum á Laugardalsvelli um mánaðamótin ágúst/september.
Dregið var í riðla í gær og nú liggur fyrir leikjadagskrá íslenska liðsins. Ísland byrjar á því að mæta Ungverjalandi 29. ágúst og Slóvakíu fjórum dögum síðar, og fara báðir leikir fram á Laugardalsvelli.
Athygli vekur að leikir Íslands við Svíþjóð eru tveir síðustu leikir liðsins í riðlinum. Gangi allt að óskum gætu það orðið hálfgerðir úrslitaleikir um efsta sæti riðilsins.
Leikdagar Íslands:
Ísland - Ungverjaland 29/08/19
Ísland - Slóvakía 02/09/19
Lettland - Ísland 08/10/19
Ungverjaland - Ísland 10/04/20
Slóvakía - Ísland 14/04/20
Ísland - Lettland 04/06/20
Ísland - Svíþjóð 09/06/20
Svíþjóð - Ísland 22/09/20