Aron genginn í raðir Újpest

Aron Bjarnason, knattspyrnumaður úr Breiðabliki, hefur gengið til liðs við ungverska liðið Újpest. Frá þessu var greint á heimasíðu félagsins rétt í þessu. Aron mun spila í treyju númer 8 hjá félaginu. 

Þrátt fyrir að félagsskiptin séu nú frágengin mun Aron spila þrjá leiki til viðbótar með Breiðabliki. Hann heldur í framhaldinu utan, 22. júlí nk., en keppnistímabilið í Ungverjalandi hefst 2. ágúst.

Újpest hafnaði í fimmta sæti af 12 liðum í efstu deild Ung­verja­lands á síðasta tíma­bili, en um er að ræða forn­frægt fé­lag sem stofnað var árið 1885. Frá ár­inu 1905 hef­ur liðið aðeins leikið utan efstu deild­ar í eitt tíma­bil og leikið meðal þeirra bestu 102 ár í röð.

Aron er 23 ára gam­all fjöl­hæf­ur miðju- og sókn­ar­maður og er að spila sitt þriðja tíma­bil með Blik­um. Hann hef­ur skorað 12 mörk í 50 leikj­um með liðinu í efstu deild, þar af fjög­ur í sum­ar, en hann kom þangað frá ÍBV þar sem hann spilaði í tvö ár. Þá lék Aron áður með Fram og upp­eld­is­fé­lagi sínu Þrótti R. Hann á að baki 113 leiki í efstu deild þar sem hann hef­ur skorað 24 mörk.

• Blogga um frétt