Knattspyrnudeild Aftureldingar hefur samið við spænska miðjumanninn Josep Díez. Hann kemur til félagsins frá Vilafranca í spænsku D-deildinni.
Díez kemur í staðinn fyrir landa sinn Esteve Monterde sem hefur samið við félag á Spáni. Monterde spilaði sjö leiki með Aftureldingu á leiktíðinni en tókst ekki að skora.
Afturelding er í ellefta sæti Inkasso-deildarinnar með tíu stig eftir tólf leiki. Magni í neðsta sæti er einnig með tíu stig, sem og Njarðvík sem er í síðasta örugga sæti deildarinnar sem stendur.