ÍA skoraði þrjú mörk á átta mínútna kafla og sneri því sem virtist vera vonlaus staða sér í vil í Keflavík í mögnuðum fallbaráttuslag.
Keflavík komst í 0:2 með mörkum frá Ástbirni Þórðarsyni og sjálfsmarki hjá Óttari Bjarna Guðmundssyni.
Sjálfsmark Óttars Bjarna kom á 63. mínútu en Skagamenn létu ekki deigan síga og skoruðu á 67., 71. Og 75. mínútu.
Mörkin skoruðu Alex Davey, Guðmundur Tyrfingsson og Sindri Snær Magnússon.
Staðan er því 3:2, Skagamönnum í vil þegar rúmar 10 mínútur eru eftir af leiknum í lokaumferð úrvalsdeildar karla í knattspyrnu.
Á sama tíma er Breiðablik að vinna HK og því eru HK-ingar á leið niður sem stendur.