Kári ósáttur við fótboltalandsliðið
Setja bókamerki
Eyjamaðurinn Kári Kristján Kristjánsson, landsliðsmaður í handbolta, var ósáttur við leikmenn íslenska landsliðsins í fótbolta í aðdraganda leiksins við Armeníu í undankeppni HM á Laugardalsvelli í gærkvöldi.
Kári var ósáttur við að leikmenn sungu ekki með þjóðsöngnum fyrir leik. Þá var hann sérstaklega ósáttur við fyrirliðann Birki Bjarnason. „Fyrirliðinn eins og stytta!“ skrifaði Kári m.a. á Facebook.
„Kann enginn helvítis þjóðsönginn? Og eitt gerpið að japla á tyggjói á meðan,“ skrifaði Kári sömuleiðis. Viðar Halldórsson, prófessor við Háskóla Íslands, tók undir með Kára.
„Algjörlega sammála Kári! Rannsókn frá EM í fótbolta 2016 sýndi að liðin sem sungu með þjóðsöngnum stóðu sig betur en hin. Stemningin skiptir heldur betur máli. Að syngja þjappar fólki saman og dregur úr yfirspennu. Þetta vitið þið úr handboltanum,“ skrifaði Viðar.
Gerðu umfangsmiklar loftárásir á Líbanon
Grænlendingar vildu ekki fá björninn til baka
Birtu ekki dóm yfir fyrrverandi forseta bæjarstjórnar
Björninn sagður nálægt byggð
Tveir í haldi grunaðir um mansal og smygl á fólki
Davíð Viðarsson var skyndihugdetta
Mikill útflutningur frá Vestfjörðum