„Þetta var frábært sumar,“ sagði Hörður Snævar Jónsson, íþróttafréttastjóri hjá Torgi, í íþróttauppgjöri Dagmála, frétta- og menningarlífsþáttar Morgunblaðsins, þegar rætt var um Íslandsmót karla í knattspyrnu.

Víkingur úr Reykjavík varð Íslandsmeistari í lokaumferð úrvalsdeildarinnar í fyrsta sinn í þrjátíu ár eftir æsispennandi keppni við Breiðablik.

Það féll allt með Víkingum í lokaumferðum deildarinnar á meðan Blikar, sem voru með pálmann í höndunum fyrir síðustu umferðirnar, gáfu eftir á lokasprettinum.

„Ég held að það hafi allir haldið með Víkingum undir restina, nema kannski Blikar, og það var frábært að sjá Kára Árnason og Sölva Geir Ottesen ljúka ferlinum á þessum nótum,“ sagði Hörður.

„Það var rosalegt að fylgjast með þessum lokaumferðum og maður var með hjartaflökt yfir sjónvarpinu í næstsíðustu umferðinni þegar Blikarnir klikkuðu á vítinu í Kaplakrika,“ bætti Eva Björk Benediktsdóttir við.

Áramótaþátt og íþróttauppgjör Dagmála í heild sinni má nálgast með því að smella hér.

Kári Árnason með Íslandsbikarinn eftir lokaleik Íslandsmótsins í september. mbl.is/Eggert Jóhannesson

Tengdar fréttir

Dagmál

Varpar ljósi á klæði kvenna við landnám

• Einstæður fundur – gler frá víkingaöld
• Vill sjá breytingar hjá karlalandsliðinu og HSÍ
• Vésteinn: „Það vildi enginn þjálfa þessa menn“
• Vésteinn: „Unga fólkið ræður bara ekki við þetta!“

» Fleiri tengdar fréttir

• Blogga um frétt