Benedikt V. Warén og Anton Logi Lúðvíksson hafa skrifað undir nýja samninga við knattspyrnudeild Breiðabliks sem leikur í Bestu deild karla.
Benedikt er fæddur árið 2001 og á að baki 31 leik fyrir Breiðablik. Anton er tveimur árum yngri og á að baki 10 leiki fyrir Breiðablik.
Báðir voru þeir lánaðir í Lengjudeildina síðari hluta síðasta sumars og þóttu standa sig vel. Benedikt spilaði með Vestra og Anton með Aftureldingu.