Enska knattspyrnukonan Ellen White hefur greinst með kórónuveiruna og verið send heim úr æfingabúðum enska landsliðsins vegna þessa.
White, sem er lykilmaður í enska liðinu, leikur með enska stórliðinu Manchester City. Hún hefur skorað 50 mörk í 105 landsleikjum fyrir England og 18 mörk í 43 leikjum með City í ensku úrvalsdeildinni.
Hún verður ekki með enska liðinu gegn Hollandi á Elland Road, heimavelli karlaliðs Leeds, á föstudaginn kemur en vonast er til að White verði komin aftur í hópinn fyrr en varir og verði klár í slaginn á EM á heimavelli.