Spánverjar verða án eins af lykilmönnum sínum þegar þeir mæta Dönum í lokaumferð riðlakeppninnar á Evrópumótinu í handknattleik í Króatíu í kvöld.
Julen Aguinagalde, sem er talinn vera einn besti línumaður heimsins, glímir við meiðsli í baki og er ekki leikfær. Aguinagalde þurfti að hætta leik eftir rúmar þrjár mínútur í sigurleik Spánverja gegn Ungverjum í fyrrakvöld. Iosu Goni leikmaður franska liðsins Pays hefur verið kallaður inn í hópinn í stað Aguinagalde.
Spánverjar eru efstir í riðlinum með 4 stig, Danir og Tékkar hafa 2 en Ungverjar reka lestina án stiga.