Enska úrvalsdeildin í knattspyrnu hefur göngu sína á ný í kvöld, á þjóðhátíðardegi okkar Íslendinga, eftir rúmlega þriggja mánaða hlé. Tómas Þór Þórðarson hjá Símanum sport kynnir hér til leiks leiki kvöldsins og helgarinnar.
Boltinn byrjar aftur að rúlla í kvöld á tveimur frestuðum leikjum, viðureignum Aston Villa gegn Sheffield United og Manchester City gegn Arsenal. Svo á föstudaginn hefst 30. umferðin og verður hún öll leikin yfir helgina.
Risaslagur fer fram í Lundúnum föstudagskvöld þegar Tottenham tekur á móti Manchester United en þar mætir José Mourinho, stjóri Tottenham, sínu gamla félagi. Topplið Liverpool getur svo stigið skrefi nær Englandsmeistaratitlinum á sunnudaginn þegar liðið heimsækir nágranna sína í Everton.
Í kvöld
17:00 Aston Villa - Sheffield United
19:15 Manchester City - Arsenal
Föstudagur
17:00 Norwich - Southampton
19:15 Tottenham - Manchester United
Laugardagur
11:30 Watford - Leicester
14:00 Brighton - Arsenal
16:30 West Ham - Wolves
18:45 Bournemouth - Crystal Palace
Sunnudagur
13:00 Newcastle - Sheffield United
15:15 Aston Villa - Chelsea
18:00 Everton - Liverpool
Mánudagur
19:00 Manchester City - Burnley
Allir leikir ensku úrvalsdeildarinnar eru sýndir beint á Síminn Sport, heimili enska boltans, og þá er einn leikur í hverri umferð sýndur á mbl.is.