Manchester City tekur á móti Englandsmeisturum Liverpool á sunnudaginn í stórleik helgarinnar í úrvalsdeildinni í knattspyrnu. Liðin hafa verið þau bestu á Bretlandi undanfarin ár.

Meistararnir eru á toppi deildarinnar með 16 stig eftir sjö leiki en byrjun City hefur verið heldur slitrótt, liðið er með 11 stig eftir sex leiki og situr í tíunda sæti. City og Liverpool hafa hafnað í efstu tveimur sætunum undanfarin tvö tímabil.

Gamla Arsenal-kempan Lee Dixon hitar upp fyrir risaleikinn í skemmtilegri klippu hér að ofan. „Þegar Manchester City mætir Liverpool þá stendur fólk upp og tekur eftir, þetta eru bestu lið deildarinnar undanfarin ár,“ segir Dixon meðal annars. „Þetta verður flugeldasýning.“

Tengdar fréttir

Völlurinn

Eiður Smári: Gaman fyrir okkur Íslendingana

• Gylfi: Tímabil Liverpool veltur á þessum mönnum
• Eiður Smári: Snýst um að koma sér í gegnum vikuna
• „Ég elska þetta ferðalag sem við erum á“
• Arteta fær falleinkunn (myndskeið)

» Fleiri tengdar fréttir

• Blogga um frétt