Lewis Hamilton var í þessu að vinna ráspól bandarísk kappaksturins og Mercedesbílar verða eina ferðina enn á fremstu rásröð þar sem Nico Rosberg varð annar.
Þetta er fyrsti ráspóllinn sem Hamilton vinnur í Austin en þar hefur hann hrósað sigri nokkrum sinnum í sjálfum kappakstrinum. Á leið til pólsins setti Hamilton nýtt brautarmet fyrir keppni í formúlu-1.
Á eftir ökumönnum Mercedes urðu Daniel Ricciardo og Max Verstappen hjá Red Bull og þar á eftir Kimi Räikkönen og Sebastian Vettel hjá Ferrari.
Á Hamilton og Rosberg munaði 0,2 sekúndum og Ricciardo var 0,5 sekúndum á eftir pólmanninum. Räikkönen og Vettel voru hins vegar 1,1 og 1,3 sekúndum lengur með hringinn en Hamilton.
Í sjöunda til tíunda sæti urðu Nico Hülkenberg hjá Force India, Valtteri Bottas hjá Williams, Felipe Massa hjá Williams og Carlos Sainz hjá Toro Rosso. Í ellefta sæti varð Sergio Perez hjá Force India og í því tólfta Fernando Alonso hjá McLaren.