Lewis Hamilton á Mercedes ók hraðast á lokaæfingunni fyrir tímatökuna í Abu Dhabi og þar með síðustu æfingu mótshelgar á keppnistíð ársins.
Í næstu tveimur sætum urðu Kimi Räikkönen og Sebastian Vettel á Ferrari en þeir voru 0,3 og 0,4 sekúndum lengur með sinn besta hring en Hamilton.
Í fjórða til sjötta sæti urðu Max Verstappen á Red Bull, Valtteri Bottas á Mercedes og Daniel Ricciardo, sem var rúmum 0,9 sekúndum lengur í förum en heimsmeistarinn Hamilton.
Fyrri tug lista yfir hröðustu hringi fylltu svo Romain Grosjean á Haas, Nico Hülkenberg og Carlos Sainz á Renault og Esteban Ocon á Force India.