Tvær lotur þróunaraksturs

Williams gat ekki klárað 2019-bílinn áður en þróunaraksturinn hófst í …
Williams gat ekki klárað 2019-bílinn áður en þróunaraksturinn hófst í fyrra. Vonandi tekst þeim betur upp í ár. AFP

Formúluliðin hefja í dag fyrri lotu þróunaraksturs af tveimur. Báðar fara fram í Barcelona.

Þar munu liðin fá fyrstu reynslu sína af nýjum keppnisbílum 2020-vertíðarinnar. 

Sú breyting hefur orðið á frá í fyrra, að æfingadögum liðanna hefur verið fækkað úr átta í sex.

Williamsliðið væntir þess að því takist betur upp en í fyrra en þá tókst liðinu ekki að fullklára smíði 2019-bílanna áður en reynsluaksturinn hófst.

Fyrri lotan hefst miðvikudaginn 19. febrúar og lýkur 21. febrúar. Sú seinni stendur svo yfir frá 26. til 28. febrúar.

mbl.is
Fleira áhugavert
Fleira áhugavert