Tímabilið í formúlu-1 hefst í byrjun júlí á kappakstri í Austurríki en Alþjóðaakstursíþróttasambandið (FIA) hefur staðfest þetta og fengið samþykki austurrískra yfirvalda.
Keppt verður fyrir luktum dyrum í Spielberg 5. og 12. júlí en tímabilið átti upprunalega að hefjast í Ástralíu í mars en var blásið af eftir að m.a. einn liðsmaður McLaren smitaðist af veirunni. Í kjölfarið var fleiri mótum frestað. Ef allt gengur að óskum mun þriðja keppnin fara fram í Búdapest í Ungverjalandi 19. júlí.
Þá munu tvær keppnir fara fram á Silverstone-brautinni í Bretlandi í ágúst en endanleg mótaskrá liggur ekki fyrir.