Schumacher ekki lengur í Formúlu 1

Mick Schumacher hefur misst sætið sitt hjá Haas.
Mick Schumacher hefur misst sætið sitt hjá Haas. AFP/Carlos Gallardo

Þýski ökuþórinn Mick Schumacher hefur misst sætið sitt hjá bandaríska Formúlu 1 liðinu Haas. Liðið hefur ráðið landa hans Nico Hulkenberg í hans stað.

Schumacher var í tvö tímabil hjá Haas en náði sér ekki almennilega á strik, eftir að hafa orðið Formúlu 2 meistari þar á undan.

Mick Schumacher er sonur Michael Schumacher, sem varð á sínum tíma sjö sinnum heimsmeistari og er af mörgum talinn einn besti ökumaður allra tíma.

mbl.is
Fleira áhugavert
Fleira áhugavert