Ráðist var á tvo stuðningsmenn Liverpool í Napólí á Ítalíu í kvöld fyrir leik Liverpool og Napólí í Meistaradeild Evrópu í fótbolta.
Lögreglan í Merseyside á Englandi hefur staðfest að stuðningsmennirnir særðust í árásinni. Að sögn lögreglurnar mættu nokkrir karlmenn á hlaupahjólum á bar í borginni og réðust á stuðningsmennina.
Mennirnir eru frá Liverpool og eru 26 og 46 ára. Fengu þeir skurði á andliti og voru nokkuð bólgnir bæði á andliti og líkama. Meiðslin voru ekki alvarleg og gátu þeir mætt á leikinn.