Rustu Recber, fyrrverandi landsliðsmarkvörður Tyrklands í knattspyrnu, hefur verið útskrifaður af sjúkrahúsi. Recber greindist með kórónuveiruna á dögunum og var lagður inn á gjörgæslu og var líðan hans ekki góð.
Recber hefur hins vegar náð hröðum og góðum bata og fékk hann loksins leyfi til að halda heim eftir ellefu daga á spítala vegna veikindanna.
Recber er leikjahæsti leikmaður Tyrklands frá upphafi en hann spilaði 120 leiki fyrir þjóð sína og var aðalmarkvörður þegar liðið hafnaði í 3. sæti á HM 2002.
Hann spilaði í meira en áratug með Fenerbache í heimalandinu en stoppaði einnig stutt við hjá stórliði Barcelona áður en hann lagði hanskana á hilluna árið 2012 eftir nokkurra ára dvöl hjá Besiktas.