Ronaldo vildi fara til Frakklands
Setja bókamerki
Portúgalska stórstjarnan Cristiano Ronaldo hafði áhuga á að fara til Frakklandsmeistara PSG í sumar áður en kórónuveiran setti strik í reikninginn. France Football greinir frá.
Hinn 35 ára gamli Ronaldo kom til Juventus frá Real Madrid fyrir tveimur árum og hefur orðið ítalskur meistari í tvígang. Hann var þó farinn að hugsa sér til hreyfings í október að sögn franska miðilsins.
Vildi Ronaldo ólmur spila með Neymar og Kylian Mbappé í París og þá á hann góðar minningar frá borginni þar sem hann varð Evrópumeistari með Portúgal árið 2016. Ljóst er að PSG er ekki í stöðu til að festa kaup á Ronaldo á meðan heimsfaraldur geisar.
Ronaldo hefur skorað 63 mörk í 88 leikjum með Juventus. Verður liðið í eldlínunni næstkomandi föstudag er það mætir Lyon í síðari leik liðanna í 16-liða úrslitum Meistaradeildarinnar. Lauk fyrri leiknum í febrúar með 1:0-sigri Lyon.
/frimg/1/50/8/1500878.jpg)
Yazan verður ekki fluttur úr landi
„Verða bara eins og „zombíar““
Fjármögnun alríkisins enn í óvissu
Konur álitnar annars flokks borgarar
Velferð ekki gefin
„Hann skók húsið aðeins“
Er 83% skattur á hagnað hæfilegur?
„Staðan er grafalvarleg“