Cristiano Ronaldo skoraði sitt tuttugasta deildarmark fyrir Juventus á tímabilinu í 3:0-sigri liðsins gegn Spezia í ítölsku A-deildinni í knattspyrnu í gær.
Ronaldo hefur verið afar iðinn við kolann þegar kemur að markaskorun undanfarin ár en hann hefur skorað 29 mörk á tímabilinu til þessa með Juventus og Portúgal.
Sóknarmaðurinn, sem er orðinn 36 ára gamall, hefur nú skorað tuttugu deildarmörk eða meira, tólf tímabil í röð sem er met.
Tímabilið 2008-2009 skoraði Ronaldo átján deildarmörk fyrir Manchester United í ensku úrvalsdeildinni en hann gekk til liðs við Real Madrid sumarið 2019.
Ronaldo hefur skorað 665 mörk á ferlinum fyrir Sporting, Manchester United, Real Madrid og Juventus og þá hefur hann skorað 102 mörk í 170 leikjum fyrir Portúgal.