Simon Kjær, miðvörður AC Milan og danska landsliðsins í knattspyrnu, var heiðraður sérstaklega í París í kvöld þegar France Football hélt verðlaunahóf sitt vegna Gullboltans, Ballon D'Or.
Kjær fékk sérstaka viðurkenningu fyrir framlag sitt á Parken í Kaupmannahöfn í sumar þegar liðsfélagi hans Christian Eriksen hneig niður og fór í hjartastopp í miðjum leik Dana og Finna í lokakeppni Evrópumótsins.
Kjær sýndi þar mikla leiðtogahæfileika við erfiðar aðstæður og hughreysti meðal annars eiginkonu Eriksens á vellinum.
Sjálfur hafnaði Kjær í 18. sæti í kosningunni á besta knattspyrnumanni heims en hann var í lykilhlutverki bæði hjá AC Milan og danska landsliðinu á árinu.
This is more than football.
— Ballon d'Or #ballondor (@francefootball) November 29, 2021
Thanks @simonkjaer1989 for being you! ❤️#ballondor pic.twitter.com/Z84TCbiafE