Serena stefnir á enn einn titilinn

Bandaríska tenniskonan Serena Williams heldur í vonina um að vinna sinn áttunda titil á Wimbledon-mótinu og sinn 24. risatitil eftir sigur á Carla Suarez Navarro frá Spáni í 16-manna úrslitunum í dag.

Serena, sem er 37 ára gömul, vann nokkuð þægilegan sigur í tveimur settum, 6:2 og 6:2. Í átta manna úrslitunum mætir hún löndu sinni Alison Riske sem í dag vann sigur á Ashleigh Barty frá Ástralíu en Barty er í efsta sæti á heimslistanum.

• Blogga um frétt