Kylfingurinn Tiger Woods tekur risastökk á heimslistanum í golfi en hann hafnaði í 23. sæti á Farmers Insurance-mótinu sem lauk í Bandaríkjunum í fyrradag.
Þetta var fyrsta PGA-mótið sem Tiger tekur þátt í í rúmt eitt ár og fór hann upp um 108 sæti á heimslistanum og er nú í 539. sæti. Hann hefur ekki verið svo ofarlega á listanum í tæp tvö ár.
Axel Bóasson og Birgir Leifur Hafþórsson eru fyrir ofan Tiger á heimslistanum, Axel er í 450. sæti og Birgir Leifur í 465. sæti.