Valdís Þóra Jónsdóttur, atvinnukylfingur úr Leyni á Akranesi, lenti í leiðinlegum aðstæðum þegar hún flaug til Frakklands í dag.
Golfsettið virðist ekki hafa farið með fluginu hennar frá Keflavík, en Valdís Þóra greinir frá þessu á twittersíðu sinni. Miðað við skrif hennar er þetta ekki í fyrsta sinn sem þetta gerist.
Hún keppir á Opna Lacoste Ladies-mótinu í Frakklandi sem hefst á fimmtudag, en mótið er hluti af Evrópumótaröðinni.
Ekkert golfsett enn eina ferðina. Þetta er orðið óþolandi @Icelandair 🙄😒
— Valdís Þ. Jónsdóttir (@DaughterOfJon) September 3, 2018