Haraldur Franklín Magnús er kominn á annað stig úrtökumótanna fyrir Evrópumótaröðina í golfi. Haraldur hafnaði í fjórða sæti á móti á fyrsta stigi í dag, en hann lék fjóra hringi í Austurríki á samanlagt 15 höggum undir pari.
Haraldur lék fyrstu þrjá hringina á samanlagt 15 höggum undir pari og nægði honum að leika á parinu í dag og komast örugglega áfram.
Annað stigið fer fram 7.-10. nóvember og þeir kylfingar sem komast áfram á þriðja stigið keppa um sæti á mótaröðinni sem er sú sterkasta í Evrópu.