Guðjón Valur valinn sá besti í Meistaradeildinni

Guðjón Valur Sigurðsson.
Guðjón Valur Sigurðsson. mbl.is/Eggert Jóhannesson

Guðjón Valur Sigurðsson þótti skara fram úr í 1. umferð riðlakeppni Meistaradeildar Evrópu í handknattleik en hann vann sigur í kosningu á besta leikmanni umferðarinnar sem jafnan fer fram á vef Handknattleikssambands Evrópu, EHF, eftir hverja umferð.

Þessi stórkostlegi íþróttamaður sem verður fertugur á næsta ári skoraði 6 mörk í sigri Rhein-Neckar Löwen gegn Aroni Pálmarssyni og félögum hans í Barcelona.

Guðjón Valur var valinn í úrvalslið 1. umferðarinnar og þeir leikmenn sem voru valdir í því það kepptu svo um að verða fyrir valinu sem besti leikmaðurinn og þar stóð Guðjón uppi sem sigurvegari.

mbl.is
Fleira áhugavert
Fleira áhugavert