Landsliðsmaðurinn Sigvaldi Björn Guðjónsson var markahæsti maður vallarins í 33:28-útisigri Elverum á Haslum í norsku úrvalsdeildinni í handbolta í kvöld.
Hornamaðurinn skoraði níu mörk úr ellefu skotum og skoraði tveimur mörkum meira en Alexander Wesby. Sigvaldi, sem hefur spilað mjög vel á leiktíðinni, hefur þegar samið við pólska stórliðið Kielce.
Elverum er með 32 stig á toppi deildarinnar, átta stigum á undan Drammen og Arendal.