Óðinn Þór Ríkharðsson og félagar í Kadetten náðu í dag forystu, 2:1, gegn Kriens frá Luzern í úrslitaeinvíginu um svissneska meistaratitilinn í handknattleik með sigri á heimavelli í Schaffhausen, 28:26.
Óðinn var markahæstur hjá Kadetten með 8 mörk úr jafnmörgum skotum.
Liðin mætast í fjórða skipti í Luzern á fimmtudagskvöldið og þar getur Kadetten tryggt sér meistaratitilinn. Að öðrum kosti mætast liðin í oddaleik í Schaffhausen á sunnudaginn kemur.