Stórleikur Rui Patricio tryggði Portúgölum sigur
Setja bókamerki
Það tók Cristiano Ronaldo ekki nema þrjár mínútur að koma Portúgölum yfir með skalla eftir hornspyrnu gegn Marokkó á heimsmeistaramótinu í knattspyrnu á Luzhniki-leikvanginum í Moskvu í dag.
Þetta var fjórða mark Ronaldo í keppninni og hans 85. landsliðsmark sem gerir hann að markahæsta evrópska landsliðsmanni frá upphafi.
En fyrir utan mark Portúgala var Marokkó betri aðilinn í leiknum. Þeir héldu boltanum ljómandi vel og sköpuðu sér urmul af góðum marktækifærum. Rui Patrico var öflugur í marki Portgúgala og átti tvær vörslur í algerum heimsklassa. Þrátt fyrir ítrekaðar tilraunir tókst Marokkóum ekki að skora og niðurstaðan því 1:0 sigur Portúgala.
Eftir leikinn eru Portúgalar á toppi riðilsins með 4 stig á meðan Marokkóar eru en stigalausir og eiga enga von um sæti í 16-liða úrslitum heimsmeistarakeppninnar. Íran er með 3 stig og Spánn 1 stig en leikur þeirra hefst klukkan 18.
Óánægja er með áform um efnistöku
Tveir í haldi grunaðir um mansal og smygl á fólki
Hætta vegna jarðfalls í sprungur metin töluverð
Vangaveltur gengu lengra en innistæða var fyrir
Eina leiðin var að fella björninn
Komu saman á kyrrðar- og bænastund
Mikill útflutningur frá Vestfjörðum